2024-07-24T14:11

ກອງປະຊຸມປຶກສາຫາລືວຽກງານແກ້ໄຂບັນຫາການຂາດແຄນຄູ ແລະ ການລົງຝຶກຫັດວິຊາຊີບ 1 ສົກຮຽນ ປະຈຳສົກຮຽນ 2024-2025

ໃນຕອນເຊົ້າ ເວລາ 8:30 ໂມງຂອງວັນທີ 24 ກໍລະກົດ 2024 ທີ່ຫ້ອງປະຊຸມນ້ອຍວິທະຍາໄລຄູສາລະວັນ ໄດ້ຈັດກອງປະຊຸມປຶກສາຫາລືວຽກງານແກ້ໄຂບັນຫາການຂາດແຄນຄູ ແລະ ການລົງຝຶກຫັດວິຊາຊີບ 1 ສົກຮຽນ ປະຈຳສົກຮຽນ 2024-2025
ໂດຍການເປັນປະທານຂອງທ່ານ ວັດທະນາ ໝັ້ນວິໄລ ຜູ້ອຳນວຍການວິທະຍາໄລຄູສາລະວັນ ເຂົ້າຮ່ວມມີທ່ານ ສຸລິຄຳ ພອນທະລາ ຮອງຫົວໜ້າພະແນກສຶຫສາທິການ ແລະ ກິລາແຂວງເຊກອງ, ທ່ານ ແອປີຊານ ລ້ານນາຂວາງ ຮອງຫົວໜ້າພະແນກສຶຫສາທິການ ແລະ ກິລາແຂວງສາລະວັນ ມີຫົວໜ້າຂະແໜງ ຮອງຫົວໜ້າຂະແໜງທີ່ກ່ຽວຂ້ອງຈາກພະແນກສຶກສາທິການຂອງສອງແຂວງ ສາລະວັນ ແລະ ເຊກອງ ພ້ອມດ້ວຍຫົວໜ້າພະແນກທີ່ກ່ຽວຂ້ອງພາຍໃນວິທະຍາໄລຄູສາລະວັນເຂົ້າຮ່ວມ 14 ທ່ານ, ຍິງ 3 ທ່ານ.