Salavan Teacher Training College

ວິທະຍາໄລຄູສາລະວັນ ຈັດພິທີປະເມີນຄຸນນະພາບການຜະລິດສະເປແອລກໍຮໍ 75%

ຕອນເຊົ້າຂອງວັນທີ 4 ມີນາ 2022 ນີ້, ຫ້ອງການວິທະຍາສາດທຳມະຊາດ ວິທະຍາໄລຄູສາລະວັນ ໄດ້ຈັດພິທີປະເມີນຄຸນນະພາບການຜະລິດສະເປແອລກໍຮໍ 75% ຂື້ນທີ່ຫ້ອງທົດລອງເຄມີສາດຂອງວິທະຍາໄລຄູສາລະວັນ ໂດຍການເປັນປະທານຂອງ ທ່ານ ວັດທະນາ ໝັ້ນວິໄລ ເລຂາຄະນະພັກຮາກຖານ, ຮັກສາການຜູ້ອຳນວຍການວິທະຍາໄລຄູສາລະວັນ ໃນພິທີໄດ້ມີຕ່າງໜ້າຂະແໜງອາຫານ ແລະ ຢາ ຈາກພະແນກສາທາລະນະສຸກ ແຂວງ ສາລະວັນ ເຂົ້າຮ່ວມຕິດຕາມ ແລະ ປະເມີນຄຸນນະພາບການຜະລິດສະເປແອລກໍຮໍ 75% ໃນນີ້ ທ່ານ ປອ ນາງ ສຸລິພອນ ສີວິໄຊ ໄດ້ຂື້ນສະເໜີວິທີການຜະລິດ,ພ້ອມດ້ວຍການສາທິດການຜະລິດສະເປແອລກໍຮໍ 75% ຂອງ ທ່ານ ປທ ສຸລິສິດ ແກ້ວງເກິ່ງສະໄໝ ໃນການຜະລິດສະເປແອລກໍຮໍ 75% ຄັ້ງນີ້ ລວມມີ ສີ່ກິ່ນຄື: ກິ່ນເປເປີມິ້ນ, ກິ່ນຂິງໄຄ, ກິ່ນກຸຫລາບ ແລະ ກິ່ນມະນາວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້